ପୋଷକ ତତ୍ତ୍ୱ ଓ ଖଣିଜରେ ଭରପୂର ଫଳ । ତେଣୁ କୁହାଯାଏ ସବୁଦିନ ସକାଳେ ଫଳ ଖାଇଲେ ଡାକ୍ତରଙ୍କ ପାଖକୁ ଯିବାକୁ ପଡ଼ବନି । ଫଳ ଖାଇବା ଦ୍ୱାରା ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ପୂର୍ବ ରଚନାରେ ଖାଲି ପେଟରେ ୫ଟି ଫଳ ଖାଇବାକୁ ବାରଣ କରାଯାଇଥିଲା । କିନ୍ତୁ ଏହି ରଚନାରେ ଖାଲି ପେଟରେ କେଉଁ ଫଳ ଖାଇବା ଉଚିତ ଜାଣନ୍ତୁ।
ଖାଲି ପେଟରେ ଖାଆନ୍ତୁ ଏହି ଫଳ
- ଅମୃତଭଣ୍ଡା
- ପିଜୁଳି
- ସେଓ
- କିୱି
- ଡାଳିମ୍ବ
ଅମୃତଭଣ୍ଡା (Carica)
ଅମୃତଭଣ୍ଡା ଏକ ଏପରି ଫଳ, ଯାହାକୁ ଖାଲି ପେଟରେ ଖାଇବା ଉଚିତ । ଖାଲି ପେଟରେ ଅମୃତଭଣ୍ଡା ଖାଇବା ଦ୍ୱାରା ଡିହାଇଡ୍ରେସନ ସମସ୍ୟା ଦୂର ହେବା ସହ ଶରୀରକୁ ଶକ୍ତି ମିଳିଥାଏ । ଅମୃତଭଣ୍ଡା ହଜମ ପ୍ରକ୍ରିୟାକୁ ଅଧିକ ତ୍ୱରାନ୍ୱିତ କରିଥାଏ ।
ପିଜୁଳି (Guava)
ଖାଲି ପେଟରେ ପିଜୁଳି ଖାଇବା ମଧ୍ୟ ସ୍ୱାସ୍ଥ୍ୟ ପାଇଁ ଲାଭଦାୟକ । ଏହାଦ୍ୱାରା କୋଷ୍ଠକାଠିନ୍ୟ ସମସ୍ୟା ଦୂର ହୁଏ । ଖାଲି ପେଟରେ ପିଜୁଳି ଖାଇଲେ ଆଖି ସମସ୍ୟା ଦୂର ହୋଇଥାଏ ।
ସେଓ (Apple)
ଖାଲି ପେଟରେ ସେଓ ଖାଇବା ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ । ସେଓ ହଜମ ପ୍ରକ୍ରିୟାକୁ ଅଧିକ ଦ୍ରୁତ କରିଥାଏ । ସେଓ ଖାଇବା ଦ୍ୱାରା ଶରୀରରେ ରୋଗ ପ୍ରତିରୋଧକ ଶକ୍ତି ପାଇଥାଏ । ଏହାସହିତ କୋଲେଷ୍ଟ୍ରଲ ହ୍ରାସ ପାଇଥାଏ ।
କିୱି (Kiwi)
ଖାଲି ପେଟରେ କିୱି ଖାଇବା ଉଚିତ । ଏହି ଶକ୍ତିଶାଳୀ ଫଳ ଅନେକ ପେଟ ରୋଗରୁ ମୁକ୍ତି ଦେଇଥାଏ । କିୱିରେ ଭିଟାମିନ୍ ସି ସହିତ ଫାଇବର ରହିଥାଏ । ଯାହାଫଳରେ ରୋଗ ପ୍ରତିରୋଧକ ଶକ୍ତି ବୃଦ୍ଧି ପାଇଥାଏ । ଏହା ସହିତ ଚର୍ମ ସମସ୍ୟା ଦୂର ହୋଇଥାଏ ।
ଡାଳିମ୍ବ (Pomegranate)
ପୁଷ୍ଟିକର ଖାଦ୍ୟର ଭଣ୍ଡାର ଡାଳିମ୍ବ । ଖାଲି ପେଟରେ ଡାଳିମ୍ବ ଖାଇଲେ, ଶରୀରରେ ରକ୍ତ ଅଭାବ ସମସ୍ୟା ଦୂର ହୁଏ । ଡାଳିମ୍ବରେ ପ୍ରଚୁର ମାତ୍ରାରେ ଲୌହ (iron) ରହିଛି । ଖାଲି ପେଟରେ ଡାଳିମ୍ବ ଖାଇବା ଦ୍ୱାରା କର୍କଟ ରୋଗ ଆଶଙ୍କା ମଧ୍ୟ କମିଯାଇଥାଏ ।
Read more: HealthCare- ଖାଲି ପେଟରେ ଖାଆନ୍ତୁ ନାହିଁ ଏହି ଫଳ
