ସୂର୍ଯ୍ୟ ନମସ୍କାର: ସକାଳେ ସମୟ ମିଳୁନି ତ ସଂଧ୍ୟାରେ କରନ୍ତୁ ଅଭ୍ୟାସ


surya-namaskar-colors-of-life

ସକାଳ ସମୟରେ ସକଳ ଶକ୍ତିର ଆଧାର ସୂର୍ଯ୍ୟଙ୍କୁ ଜୀବନ ଦାନ ପାଇଁ କୃତଜ୍ଞତା ଜ୍ଞାପନର ନାମ ସୂର୍ଯ୍ୟ ନମସ୍କାର । ସୂର୍ଯ୍ୟ ନମସ୍କାର- ଏକ ସଂପୂର୍ଣ୍ଣ ଯୋଗ ବ୍ୟାୟାମ। ସୂର୍ଯ୍ୟ ନମସ୍କାର ୧୨ଟି ଯୋଗାସନର ସମାହାର । ଯଦି ଆପଣଙ୍କ ପାଇଁ ସମୟର ଅଭାବ, କିନ୍ତୁ ଆପଣ ଫିଟ୍ ରହିବାର ଉପାୟ ଖୋଜୁଛନ୍ତି, ତେବେ ସୂର୍ଯ୍ୟ ନମସ୍କାର ଏଥିପାଇଁ ସର୍ବୋତ୍ତମ ବିକଳ୍ପ । ‘ସୂର୍ଯ୍ୟ ନମସ୍କାର’ର ଆକ୍ଷରିକ ଅର୍ଥ ସୂର୍ଯ୍ୟଙ୍କୁ ପ୍ରଣିପାତ । ମନକୁ ଶାନ୍ତ ଏବଂ ସୁସ୍ଥ ରଖିବା ପାଇଁ ସୂର୍ଯ୍ୟ ନମସ୍କାର ସର୍ବୋତ୍ତମ ଉପାୟ ।

ସଂପୂର୍ଣ୍ଣ ବ୍ୟାୟାମ ସୂର୍ଯ୍ୟ ନମସ୍କାର

ଯଦି ସକାଳ ସମୟରେ ଆପଣଙ୍କୁ ସମୟ ମିଳୁନାହିଁ କିମ୍ବା ଆପଣଙ୍କୁ ଅଫିସ ଯିବାକୁ ପଡୁଛି, ତେବେ ଆପଣ ସଂଧ୍ୟା ସମୟରେ ବି କରିପାରିବେ ସୂର୍ଯ୍ୟ ନମସ୍କାର । ପ୍ରଫେସନାଲ ଲାଇଫରେ ଅନେକ ସମୟରେ ଯୋଗାଭ୍ୟାସ ଆରମ୍ଭ କରୁଥିବା ଲୋକେ ସକାଳେ ସୂର୍ଯ୍ୟ ନମସ୍କାର କରିନଥିଲେ, ସଂଧ୍ୟାରେ ମଧ୍ୟ କରିନଥାନ୍ତି । ଯୋଗସୁତ୍ର ଅନୁସାରେ ସକାଳ ଓ ସଂଧ୍ୟାକାଳ ଯୋଗ ପାଇଁ ଉପଯୁକ୍ତ ସମୟ । ସକାଳ ପରି ସଂଧ୍ୟା ସମୟରେ ଯୋଗ କ୍ରିୟା କରିବା ଦ୍ୱାରା ଉଭୟ ଶାରୀରିକ ଓ ମାନସିକ ଶାନ୍ତି ମିଳିଥାଏ ।

ସକାଳେ ସମୟ ମିଳୁନି ତ ସଂଧ୍ୟାରେ କରନ୍ତୁ ସୂର୍ଯ୍ୟ ନମସ୍କାର

ସୂର୍ଯ୍ୟ ନମସ୍କାର କ୍ରିୟା ଷ୍ଟ୍ରେସ୍ କମ୍ କରିବା ସହ ଶରୀରକୁ ସକ୍ରିୟ ରଖିଥାଏ । ବର୍ତ୍ତମାନ ସମୟରେ ଏହା ସତ୍ୟ ଯେ ଲୋକମାନେ ସକାଳ ଓ ସଂଧ୍ୟା ସମୟରେ ମଧ୍ୟ ବ୍ୟାୟାମ ପାଇଁ ସମୟ ବାହାର କରିବା କଷ୍ଟକର ବ୍ୟାପାର । ବେସରକାରୀ କାର୍ଯ୍ୟାଳୟରେ କାର୍ଯ୍ୟ କରୁଥିବା ବ୍ୟକ୍ତିଙ୍କ ପାଇଁ ନିର୍ଦ୍ଦିଷ୍ଟ କାର୍ଯ୍ୟ ସମୟ ନଥାଏ । କେତେବେଳେ ସକାଳ ତ କେତେବେଳେ ସଂଧ୍ୟା ସମୟରେ କାର୍ଯ୍ୟ କରିବାକୁ ପଡ଼େ । ଏପରି ଅସ୍ଥିର କାର୍ଯ୍ୟ ସମୟ ମଧ୍ୟରେ ମଧ୍ୟ ଆପଣ ସୂର୍ଯ୍ୟ ନମସ୍କାର କରିପାରିବେ ।

ସକାଳେ କିମ୍ବା ସଂଧ୍ୟା ସମୟରେ ମାତ୍ର ୧୫ ମିନିଟ ସୂର୍ଯ୍ୟ ନମସ୍କାର ଆପଣଙ୍କ ଚାପ ଦୂର କରିବା ସହ ଆପଣଙ୍କୁ ଚାପମୁକ୍ତ କରିପାରିବ । କିନ୍ତୁ ଏହି ଅଭ୍ୟାସ କରିବା ପାଇଁ ସର୍ବନିମ୍ନ ଦୁଇଟି ସର୍ତ୍ତ ପାଳନ କରିବା ଆବଶ୍ୟକ । ସୂର୍ଯ୍ୟ କିରଣ ଓ ଖାଲି ପେଟ । ଉଦୟମୁଖି କିମ୍ବା ଅସ୍ତଗାମୀ ସୂର୍ଯ୍ୟଙ୍କୁ ପ୍ରଣିପାତ କରି ୧୨ ଯୋଗାସନ ଅଭ୍ୟାସ କରିବାବେଳେ ଏକଥା ମଧ୍ୟ ଧ୍ୟାନ ରଖିବା ଜରୁରୀ ଯେ ଆପଣଙ୍କ ପେଟ ଖାଲି ରହିଛି । ଅର୍ଥାତ ସକାଳେ ଖାଲି ପେଟରେ କିମ୍ବା ସଂଧ୍ୟା ସମୟରେ, ଖାଦ୍ୟ ଖାଇବାର ଅତି କମରେ ୫ ଘଣ୍ଟା ପରେ ଆପଣ ସୂର୍ଯ୍ୟ ନମସ୍କାର କରିପାରିବେ । ଏହାମଧ୍ୟ ଧ୍ୟାନ ରଖିବା ଜରୁରୀ କି ସୂର୍ଯ୍ୟ ନମସ୍କାରର ୧୨ ଆସନକୁ କ୍ରମାନ୍ୱୟରେ ଅଭ୍ୟାସ ।

ସକାଳେ କାହିଁକି କରାଯାଏ ସୂର୍ଯ୍ୟ ନମସ୍କାର

ସକାଳ ସମୟରେ ସକଳ ଶକ୍ତିର ଆଧାର ସୂର୍ଯ୍ୟଙ୍କୁ ଜୀବନ ଦାନ ପାଇଁ କୃତଜ୍ଞତା ଜ୍ଞାପନର ନାମ ସୂର୍ଯ୍ୟ ନମସ୍କାର । ସକାଳ ସମୟରେ ସୂର୍ଯ୍ୟ କିରଣରେ ସକରାତ୍ମକ ଶକ୍ତି ଯୋଗୁ ଶରୀର ପ୍ରତି ସୁପ୍ରଭାବ ପଡ଼ିଥାଏ । ଏହି ସମୟରେ ସମ୍ପୂର୍ଣ୍ଣ ବାତାବରଣ ଶାନ୍ତ ରହିଥାଏ, ତେଣୁ ଆପଣ ଏକାଗ୍ରତା ବଜାୟ ରଖିବା ସହଜ ହୋଇଥାଏ ।

ସଂଧ୍ୟା ସମୟରେ ସୂର୍ଯ୍ୟ ନମସ୍କାର କରିବାର ଲାଭ

ଏହା ଆପଣ ଅନୁଭବ କରିଥିବେ ସକାଳ ସମୟରେ ସୂର୍ଯ୍ୟ ନମସ୍କାର କିମ୍ବା ଅନ୍ୟ ଯୋଗାସନ କରିବା ସମୟରେ ଜଟିଳତା ଦେଖାଦେଇଥାଏ । କାରଣ ଏହି ସମୟରେ ବଡି ଫ୍ଲେକ୍ସିବିଲିଟି ପାଇଁ ଅଧିକ ସମୟ ଲାଗିଥାଏ । କିନ୍ତୁ ସଂଧ୍ୟା ସମୟରେ ଯୋଗାସନ ସମୟରେ ଏହି ସମସ୍ୟା ନଥାଏ । କାରଣ ସାରା ଦିନ ଶରୀର ସକ୍ରିୟ ରହିଥିବାରୁ ବଡି ୱର୍ମ ରହିଥାଏ ।

ସୂର୍ଯ୍ୟ ନମସ୍କାର- ୧୨ଟି ଯୋଗାସନର ସମାହାର

  1. ନମସ୍କାର ଆସନ (ଧୀର ପ୍ରଶ୍ୱାସ ଗ୍ରହଣ ଓ ନିଶ୍ୱାସ ତ୍ୟାଗ)
  2. ହସ୍ତଉତ୍ଥାନାସନ (ପ୍ରଶ୍ୱାସ)
  3. ପଦହସ୍ତାସନ (ନିଶ୍ୱାସ)
  4. ଅଶ୍ୱ ସଂଚାଳନ ଆସନ (ପ୍ରଶ୍ୱାସ)
  5. ଦଣ୍ଡାସନ (ନିଶ୍ୱାସ)
  6. ଅଷ୍ଟାଙ୍ଗ ନମସ୍କାର ଆସନ (କିଛି ସମୟ ଶ୍ୱାସକୁ ଛାତିରେ ଅଟକାଇ ରଖନ୍ତୁ)
  7. ଭୁଜଙ୍ଗାସନ (ପ୍ରଶ୍ୱାସ)
  8. ପର୍ବତାସନ (ନିଶ୍ୱାସ)
  9. ଅଶ୍ୱ ସଂଚାଳନ ଆସନ (ପ୍ରଶ୍ୱାସ)
  10. ପଦହସ୍ତାସନ (ନିଶ୍ୱାସ)
  11. ହସ୍ତଉତ୍ଥାନାସନ (ପ୍ରଶ୍ୱାସ)
  12. ନମସ୍କାର ଆସନ (ନିଶ୍ୱାସ)
Image Credit: ATESpost

କେତେଥର ସୂର୍ଯ୍ୟ ନମସ୍କାର କରିବା ଉଚିତ୍?

ସୂର୍ଯ୍ୟ ନମସ୍କାର ଅତିକମରେ ପାଞ୍ଚ ଥର କରାଯିବା ଉଚିତ କିନ୍ତୁ ଆରମ୍ଭ ସମୟରେ ତୁମେ ଏହାକୁ ଆପଣ ନିଜ ଶାରୀରିକ ଦକ୍ଷତା ଅନୁଯାୟୀ କରିବା ଉଚିତ୍ ।

କିଏ ସୂର୍ଯ୍ୟ ନମସ୍କାର କରିବା ଉଚିତ ନୁହେଁ

  • ଗର୍ଭବତୀ ମହିଳାମାନେ ଗର୍ଭଧାରଣର ତୃତୀୟ ମାସ ପରେ ସୂର୍ଯ୍ୟ ନମସ୍କାର କରିବା ବନ୍ଦ କରିବା ଉଚିତ୍ ।
  • ହର୍ନିଆ ଏବଂ ଉଚ୍ଚ ରକ୍ତଚାପ ରୋଗୀମାନେ ସୂର୍ଯ୍ୟ ନମସ୍କାର ନକରିବା ଉଚିତ୍ ।
  • ପିଠି ଯନ୍ତ୍ରଣା ଭୋଗୁଥିବା ଲୋକମାନେ ସୂର୍ଯ୍ୟ ନମସ୍କାର ଆରମ୍ଭ କରିବା ପୂର୍ବରୁ ଉପଯୁକ୍ତ ପରାମର୍ଶ ନେବା ଆବଶ୍ୟକ ।
  • ମହିଳାମାନେ ପିରିୟଡ ସମୟରେ ସୂର୍ଯ୍ୟ ନମସ୍କାର ଏବଂ ଅନ୍ୟାନ୍ୟ ଆସନା କରିବା ଉଚିତ୍ ନୁହେଁ ।
Share this

Leave a Reply

Your email address will not be published. Required fields are marked *

You cannot copy content of this page